تعارف عربي مصري


تعارف عربي مصري



 
الرئيسيةالرئيسية  الصفحه الرئيسيهالصفحه الرئيسيه  اليوميةاليومية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 حوار بين الهارد والسيدي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اكرامي الفيومي
مدير الموقع
avatar

عدد المساهمات : 564
نقاط : 1514
تاريخ التسجيل : 08/04/2010
العمر : 35

مُساهمةموضوع: حوار بين الهارد والسيدي   الخميس 20 مايو 2010 - 20:01





الهارد ديسك: على فكرة رغم علاقة التعامل الكبيرة اللى حصلت بينا الا انى اول مرة اكتشف فيك حاجة جديدة.
السى ديهايا: قصدك ايه .. يعنى ما كانش عندى قبل كدا حاجة تلفت نظرك, دا انا 700 ميجا بايت , وجسمى متقسم على تراكات وبشرتى ناعمة و..
الهارد ديسك (مقاطعا): انا مش قصدى , انا عايز اقولك انى طول عمرى كنت بشوف فيك الديسك اسباس بس ما كنتش اعرف ان عندك امكانيات جديدة

السى ديهايا: عارفه حتقول ايه.. قصدك يعنى اكمنى بقى عندى رشاقه وبقيت امشى على 56 اكس
الهارد ديسك: ما تفرحيش بنفسك كده امال لو عرفتى سرعتى انا بقه هتعملى ايه انا بلا فخر لو شديت حيلى شويه ممكن اعمل 700 دوره فى الدقيقة
السى ديهايا: قصر وهات من الاخر يا عم الهارد وما تتفرمتش عليا
الهارد ديسك: انا اتفرمت عليكى انت دا انا يا بنتى متفرمت فات ان تى اف اس يعنى نيو تكنولوجى مش زيك
السى ديهايا: قصر بقى لحسن انا طول النهار من سى دى روم للتانى لما خلاص قربت اتخربش المهم ايه بقى يا حبيبى الجديد اللى انت شايفه فيا
الهارد ديسك: اول مره اعرف انك من النوع اللى بيقبل نسخ اكتر من مره , يعنى انتى كده اقتصاديه يا حبيبتى وهتوفرى كتير وحتجدديلى الداتا
السى ديهايا: اه يا مجرم انت بتبص لمصلحتك طول عمرك وانت اكتر حاجه بتهمك هى الداتا انا زهقت منك
الهارد ديسك: علشان اثبتلك انى مش بتاع مصلحتى , انا مستعد اتجوزك فورا ونحافظ على الداتا بتاعتنا بينا وبين بعض وما ندخلش اى ميمورى بينا
السى ديهايا: بس لازم الاول تروح تكلم بابا البروسيسور وماما المازربورد
الهارد ديسك: انا معنديش مانع بس ممكن تدينى فكره عنهم علشان اعرف حنتتوافق مع بعض ولا مش حيحسو بيا زى غيرهم
السى ديهايا: اطمن خالص انا ماما المازربورد من النوع الحديث يعنى تقدر تقول بنتيوم فور وبابا البروسيسور دماغه كبيره جدا اكتر من 2 جيجا , وعلى فكره هما كانو بيدورو على هارد ديسك من مستوانا يكون سريع وعنده مساحه كبيره , وميعملش لنا مشاكل
الهارد ديسك: يعنى مساحه اد ايه بالضبط
السى ديهايا: والله التفاصيل الفنية دى تتكلم فيها معاهم, انا كل حلمى انى اتجوز ويجمعنا كلنا اى كيسه ايه تى اكس , ان شاء الله تكون ديسكتوب , واكون قريبه منك يا حبيبى
الهارد ديسك: ان شاء الله يا حبيبتى نتجمع كلنا فى كيسه واحده بس المهم المازربود والبروسيسور يوافقوا على , حددى لى ميعاد معاهم دلوقتى عشان اقنعهم

الهارد ديسك والبروسيسور فى بيت السى ديهايا ومعه مجموعه من البرامج والملفات ويقابل الماذربورد

المازربورد: اهلا وسهلا بك يا ابنى , ماكانش فى داعى تتعب نفسك وتحمل نفسك ملفات زيادة كده
البروسيسور: ممكن تكلمنا عن نفسك اكتر
الهارد ديسك: انا هارد ديسك شاب سريع عندى اربع مطارح سى و دى و اى و اف على مساحة 40 جيجا بايت, وممكن اقسم المساحه اكتر من كده لو حبيتو
المازربورد: مساحه ايه يا ابنى اللى هتقسمها من كبرها اوى , دا يادوب على الاد بس قولى اذا الداتا بتاعتكم كبرت حتعمل ايه
البروسيسور: دى لو الداتا كبرت وما بقاش فيه مساحه دا انت ممكن تخلينى اهنج
الهارد ديسك: لا ماحنا حنمشى على ادنا ومش حنزحم الدنيا بداتا ملهاش لزمة , والسى ديهايا حتتعاون معايا فى الداتا , لانى عرفت انها من النوع اللى ممكن يحمل اكتر من مره قصدى تنسخ اكتر من مره
المازربورد: ايه دا شكلك ناوى تبهدل بنتى
الهارد ديسك: الحياه تعاون يا تانت ولازم المليان يكب على الفاضى , المهم اننا نستغل مساحتنا كويس

و ان شاء الله الفرح في معرض أنتل القادم

وممنوع دخول الفلاشات الاقل من 1 جيجا هههه
الرجوع الى أعلى الصفحة اذهب الى الأسفل
 
حوار بين الهارد والسيدي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تعارف عربي مصري :: منتدي البرامج العام :: منتـــــــــــدي البرامـــــــــــــــــــــــــــــج-
انتقل الى: