| موضوع خاص باحمد فؤاد نجم | |
|
|
كاتب الموضوع | رسالة |
---|
اكرامي الفيومي مدير الموقع
عدد المساهمات : 564 نقاط : 1514 تاريخ التسجيل : 08/04/2010 العمر : 42
| موضوع: موضوع خاص باحمد فؤاد نجم الأربعاء 26 مايو 2010 - 13:19 | |
| هنا في هذا الموضوع يتم اضافه اشعار للفنان احم فؤاد نجم يتم الاضافه عن طريق الردود علي الموضوع | |
|
| |
اكرامي الفيومي مدير الموقع
عدد المساهمات : 564 نقاط : 1514 تاريخ التسجيل : 08/04/2010 العمر : 42
| موضوع: حياته ونشاته الخميس 27 مايو 2010 - 14:34 | |
| أحمد فؤاد نجم (مواليد 1929 - محافظة الشرقية) أحد أهم شعراء العامية في مصر وأحد أشهر اليساريين في مصر وأحد ثوار الكلمة واسم بارز في الفن والشعر العربي الملتزم بقضايا الشعب والجماهير الكادحة ضد الطبقات الحاكمة الفاسدة، وبسب ذلك سجن ثمانية عشر عاما. يترافق اسم أحمد فؤاد نجم مع ملحن ومغن هو الشيخ إمام، حيث تتلازم أشعار نجم مع غناء إمام لتعبر عن روح الاحتجاج الجماهيري الذي بدأ بعد نكسة حزيران 1967.
احمد فؤاد نجمقال عنه الشاعر الفرنسي لويس أراجون: إن فيه قوة تسقط الأسوار، وأسماه الدكتور علي الراعي "الشاعر البندقية" في حين يسميه: أحد الحكام العرب وهو أنور السادات: "الشاعر البذيء". في عام 2007 اختارته المجموعة العربية في صندوق مكافحة الفقر التابع للأم المتحدة سفيرا للفقراء.
ولد أحمد فؤاد نجم لأم فلاحة أمية من الشرقية (هانم مرسى نجم) وأب يعمل ضابط شرطة (محمد عزت نجم) وكان ضمن سبعة عشر ابن لم يتبق منهم سوى خمسة والسادس فقدته الأسرة ولم يره، التحق بعد ذلك بكتّأب القرية كعادة أهل القري في ذلك الزمن.
أدت وفاة والده إلى انتقاله إلى بيت خاله حسين بالزقازيق حيث التحق بملجأ أيتام 1936 - والذي قابل فيه عبد الحليم حافظ- ليخرج منه عام 1945 وعمره 17 سنة بعد ذلك عاد لقريته للعمل راعي للبهائم ثم انتقل للقاهرة عند شقيقه إلا أنه طرده بعد ذلك ليعود إلى قريته.
بعدها بسنوات عمل بأحد المعسكرات الإنجليزية وساعد الفدائيين في عملياتهم، بعد إلغاء المعاهدة المصرية الإنجليزية دعت الحركة الوطنية العاملين بالمعسكرات الإنجليزية إلى تركها فاستجاب نجم للدعوة وعينته حكومة الوفد كعامل بورش النقل الميكانيكي وفي تلك الفترة قام بعض المسؤلين بسرقة المعدات من الورشة وعندما اعترضهم اتهموه بجريمة تزوير استمارات شراء مما أدى إلى الحكم عليه 3 سنوات بسجن قره ميدان حيث تعرف هناك على أخوه السادس (على محمد عزت نجم) وفي السنة الأخيرة له في السجن اشترك في مسابقة الكتاب الأول التي ينظمها المجلس الأعلى لرعاية الآداب والفنون وفاز بالجائزة وبعدها صدر الديوان الأول له من شعر العامية المصرية (صور من الحياة والسجن) وكتبت له المقدمة سهير القلماوي ليشتهر وهو في السجن.
بعد خروجه من السجن عُين موظف بمنظمة تضامن الشعوب الآسيوية الأفريقية وأصبح أحد شعراء الإذاعة المصرية وأقام في غرفة على سطح أحد البيوت في حي بولاق الدكرور بعد ذلك تعرف على الشيخ إمام في حارة خوش قدم (معناها بالتركية قدم الخير) أو حوش آدم بالعامية ليقرر أن يسكن معه ويرتبط به حتى أصبحوا ثنائي معروف وأصبحت الحارة ملتقى المثقفين.
تزوج العديد من المرات أشهرها زواجة من الفنانة عزة بلبع و الكاتبة صافيناز كاظم و لة منها ابنة أسمها نوارة نجم تعمل بالمجال الصحفي.
من أهم اشعار أحمد فؤاد نجم كتابته عن جيفارا رمز الثورة في القرن العشرين. حصل الشاعر على المركز الأول في استفتاء وكالة أنباء الشعر العربي | |
|
| |
اكرامي الفيومي مدير الموقع
عدد المساهمات : 564 نقاط : 1514 تاريخ التسجيل : 08/04/2010 العمر : 42
| موضوع: ياعرب الخميس 27 مايو 2010 - 14:53 | |
| ياعــــرب يا عرب .. يا عرب .. يا عرب في أي مصر يا عرب .. يا عرب .. اسمعوا صوت شعب مصر أحفظوا لمصر المكان .. و احنا عالعهد اللي كان مصر أوفى من الزمان .. و انتو عارفين شعب مصر يا عرب يا عرب يا أهل مصر اللي خانوا العهد بينا .. و استباحوا كل حاجة و استهانوا بالعروبة .. و استكانوا للخواجة مستحيل حيكونوا منا .. نحنا حاجة و هما حاجة هما باعوا الجلابية .. و الوطن و البندقية و ا حنا أصحاب القضية .. احنا ما بنبيعش مصر يا عرب يا عرب يا أهل مصر يطلع الدجال بزيفو .. يملا وادي النيل ضباب ينزل الجلاد بسيفو ... يزرع الموت و الخراب يطول الليل زي كيفو .... الصباح له ألف باب و احنا بوصلتنا بإيدينا .. ما تخافوش من الليل علينا مهما غبتو عن عينينا .. انتو جوا بقلب مصر يا عرب يا عرب يا أهل مصر سينا و لا .. يافا و لا .. حيفا ولا ... دير ياسين اسألوا الشمس اللي هالة .. عللي صحيوا مبدرين يزرعوها نور و غلة .. دول جدودنا و لا مين ؟ حقنا و حتما ً يُعاد .. بس لو بانت سعاد و البيان ده لوه معاد ... و المعاد حيكون في مصر يا عرب يا عرب يا أهل مصر | |
|
| |
اكرامي الفيومي مدير الموقع
عدد المساهمات : 564 نقاط : 1514 تاريخ التسجيل : 08/04/2010 العمر : 42
| موضوع: سقطت سايغون الخميس 27 مايو 2010 - 14:58 | |
| سقطت سايغون أبجد هوز .. حطي كلمن إقلب صفحة .. امسك قلم ٌ اكتب زي الناس ما بتنطق سقطت سايغون رفعوا العلم ٌ طلعت شمس اليوم ده أغاني كل ما نسمع نعشق تاني طلعت شمس اليوم ده حريقة تكوي الجرح و تبري الالم ٌ سايغون عادت للثوار فوق الدم و تحت النار جدّوا فوجدوا .. زرعوا فحصدوا و إحنا إيدينا للسمسار و إللي قالوه السمسارجية و اللي حكاه السمساردار لما قروه القرونجية بالمستعجل و المندار هشت و نشت يعزم الصوت عن أمريكا و هول أمريكا زعموا الفانتوم حامل موت سقط الكوت بعلم أمريكا جاتكو فضيحة يا طبقة سطيحة و عاملة فصيحة و جايبة العار فصحانجية و كلمانجية و سمسارجية و سمسار دار | |
|
| |
اكرامي الفيومي مدير الموقع
عدد المساهمات : 564 نقاط : 1514 تاريخ التسجيل : 08/04/2010 العمر : 42
| موضوع: حلاويلا الخميس 27 مايو 2010 - 15:05 | |
| حلاويلا حلاويلا يا حلاويلا .. يا خسارة يا حول الله ده الثوري النوري الكلمنجي .. هلاب الدين الشفطنجي قاعد في الصف الاكلنجي ... شكلاطة و كاراميلا .. يتمركس بعض الايام ... يتمسلم بعض الايام و يصاحب كل الحكام .. و بسطعشر ملة .. حلاويلا يا حلاويلا .. يا خسارة يا حول الله يا حلاولو لو شفتو زمان .. مهموم بقضايا الانسان بيتكتك لتقول بركان .. و لا بوتجاز و لا حلة .. حلاويلا يا حلاويلا .. يا خسارة يا حول الله اش حالك يا قريب اليوم .. اش جاب التفاح للدوم و اش جاب الغرفة ببدروم ... للعربية و فيلا حلاويلا يا حلاويلا .. يا خسارة يا حول الله جرانين و منابر و ادارة .. و معلق طلبة و زمارة يعطل أهو بيسلك يابا .. و يجيبوا المنافيلا حلاويلا يا حلاويلا .. يا خسارة يا حول الله دا ترستق هلاب الدين .. بقى عاقل جداً و رزين و يعن عند المجانين .. إن عشنا و متنا بعلة حلاويلا يا حلاويلا .. يا خسارة يا حول الله | |
|
| |
اكرامي الفيومي مدير الموقع
عدد المساهمات : 564 نقاط : 1514 تاريخ التسجيل : 08/04/2010 العمر : 42
| موضوع: اتجمعوا العشاق الخميس 27 مايو 2010 - 15:10 | |
| اتجمعوا العشاق اتجمعوا العشاق في سجن القلعة ... اتجمعوا العشاق في باب الخلق و الشمس غنوة من الزنازن طالعة .. و مصر غنوة مفرعة في الحلق تجمعوا العشاق بالزنزانة .... مهما يطول السجن مهما القهر مهما يزيد الفجر بالسجانة .. مين اللي يقدر ساعة يحبس مصر تجمعوا و العشق نار في الدم ..... نار تحرق الجوع و الدموع و الهم نار تشتعل لما القدم ينضم .... لما الايادي تفور في لم اللحم و اللحم متنتور في رملة سينا .... و الكدب بيحجز على أيادينا قدم العدو غارسة في لحم ترابي ... و الكدب عشش مخبرين على بابي و المخبرين خارجين كلاب سعرانة ... بيجمعوا العشاق في الزنزانة مصر النهار يطلقنا في الميادين .. مصر البكا .. مصر الغنا و الطين مصر الشموس الهالة من الزنزانين .. هالة و طارحة بدمنا بسا تين مصر الجناين طرحة مين يقطفها .. مصر الجناين للي يرفع سيفها مهما يطول السجن مهما القهر .. مهما يزيد الفجر بالسجانة مين اللي يقدر ساعة يحبس مصر | |
|
| |
اكرامي الفيومي مدير الموقع
عدد المساهمات : 564 نقاط : 1514 تاريخ التسجيل : 08/04/2010 العمر : 42
| موضوع: غابة الخميس 27 مايو 2010 - 15:14 | |
| غابة غابة كلابها ديابــــا ... و نازلين في الناس هـم و اللي ينام في الغابة ... رح يتاكل هــــــــم و اللي يدور وشـــــو ... في غمضة عين يتهــــــم و اللي يغيب عن جحرو .. لاجل القوت و المم يتخان من ورا ظهرو ... او يتاخد خم غابة بتاكل ميتة ... غابة بتشرب دم غابة كلابها ديابا ... نازلين بالناس هم غابة و ناسها غلابة .. خيخة لا ناب و لا فم متكلين عالصدفة .... متاكلين بالهم و احنا يا ملح الغابة .. هم يحرك هم ضايعين و سط ديابا .. مش فاضيين نهتم فاهمين و بنتغابا ... مش راضيين نتلم | |
|
| |
اكرامي الفيومي مدير الموقع
عدد المساهمات : 564 نقاط : 1514 تاريخ التسجيل : 08/04/2010 العمر : 42
| موضوع: دلي الشكارة الخميس 27 مايو 2010 - 15:29 | |
| دلي الشكارة دلي الشكارة جنب الشكارة و اقعد يا حفني ولعلك سيجارة فكّـر شوية .. بالعيشة دية إيه القضية إيه العبارة من صغر سني شقيان لكني ما لط سني غير البصارة و دخلت حارة من جوة حارة و فكل حارة عليت عمارة و سط المعامل بنا و مناول بس المقاول كلني بشطارة و لا خلى صرة و لا لقمة حرة و العيشة مرة .. أخر مرارة | |
|
| |
اكرامي الفيومي مدير الموقع
عدد المساهمات : 564 نقاط : 1514 تاريخ التسجيل : 08/04/2010 العمر : 42
| موضوع: قصيدة كلب الست!! الخميس 27 مايو 2010 - 15:33 | |
| قصيدة كلب الست!! في الزمالك من سنين
،وف حمى النيل العظيم
،قصرمن عصر اليمين، ملك وحده م الحريم، صيتها اعلى م الآذان،يسمعوه المسلمين والتتر والتركمان ،والهنود والمنبوذين .
ست فاقت ع الرجال في المقام والاحترام صيت وشهره وتل مال،يعني في غايه التمام، قصره يعني هيه كلمه، ليها كلمه ف الحكومه
بس ربك لجل حكمه قام حرمها م الامومه والامومه طبع ثابت جوا حواء من زمان تعمل ايه الست جابت فوكس رومي وله ودان فوكس ده عبقال املتك عنده دسته خدامين يعني مش موجود في عيلتك شخص زيه ياسماعين...(اسماعيل) واسماعين دا يبقى واحد م الجماعه التعبانين اللي داخو في المعاهد والمدارس من سنين حب يعمل واد فكاكه ويمشي حبه في الزمالك والقيامه والفتاكه يرموا طبعا ع المهالك
عم سمعه من قيامته حب يعمل فيها فله بعد ما الوظ بيجامته اشترى حته مجله قول مشي يقرا ف حكايه من حكايات الغرام واندماجه في القرايه خلا مشيه مش تمام ع اليمين يحدف بعيد خطوتين ويروح شمال
لمحه فوكس من الحديد قال دا صيد سهل وحلال هوب نط ف كرشه دوغري جاب بجامته لحد ديلها اسماعيل بدال مايجري قال يارجلي رجلي مالها
بص شاف الدم سايح من عاليها ومن واطيها وياللي جاي وياللي رايح المجله مش لاقيها
حبه واتلموا الظنايا اللي هما البوابين والهكايه والروايه قال لهم دا كلب مين (البوابين... من بلاد النوبه وينطقون حرف الحا هاء ) كلب مين ماكلب ماكلب مينشي سمعه لبخ حبتين قال له واحد منهم امشي الي جابك عنده مين
قال دا شارع يامواشي والجميع بيمر منه اللي راكب واللي ماشي مستحيل نستغنى عنه كلمه من دا وكلمه من دا ظاطو واترسمت فضيحه قول نهايته والقصد من ده اسماعين اكل الطريحه
راحوا قسم الشرطه طبعا والنيابه كفيله بيهم واترموا في الحجز جمعا لما ييجي الدور عليهم حبه والشاويش امين قال سعيد النقشبندي قام غريم عم اسماعين قاله محسوبك يافندي قام سي سمعه يروح معاه الشاويش قال غور بدمك وفوق قفاه كف طرقع ... داهيه ف امك
تفتكر يفضل سي سمعه قد ايه في القسم نايم استضافه الحجز جمعه يابلاش آدي العزايم شاف بلاوي ماتتحكيش م الديابه المسجونين قال ياعالم ياشاويش يانيابه يامسؤوليين
خلصوه بعد المناهده جثه من جحر الديابه هيه يمكن ساعه واحده كان في مكتب النيابه قال له مالك ياسماعين.. قال له زي البمب مالي قال له عضك فوكس فين قال له سيبني اروح لحالي انت شوف سي فوكس يمكن خد تسمم غصب عني
الوكيل قال برضه ممكن والشاويش قعد يغني انت فين والكلب فين انت قده يااسمماعين طب دا كلب الست يابني وانت تطلع ابن مين بشرى لصحاب الديول واللي له اربع رجول بشرى لا سيادنا البهايم من جمايس او عجول اللي صاحبه ياجماعه له غناوي في الاذاعه راح يدوس فوق الغلابه والنيابه بالتباعه انت تسوى في النيابه تسعميه م الغلابه طب ياريت يافوكس كنا ولا تربطنا القرابه هيص ياكلب الست هيص لك مقامك في البوليس بكره تتولف وزاره للكلاب ياخدوك رئيس | |
|
| |
اكرامي الفيومي مدير الموقع
عدد المساهمات : 564 نقاط : 1514 تاريخ التسجيل : 08/04/2010 العمر : 42
| موضوع: قصيدة مصر يامه يابهية الخميس 27 مايو 2010 - 15:52 | |
| قصيدة مصر يامه يابهية يسبق كلامنا سلامنا يطوف ع السامعين معنى عصفور محندق يزقزق كلام موزون وله معنى عن ارض سمره وقمره وضفة ونهر ومراكب ورفاق مسيرة عسيرة وصورة حشد ومواكب فى عيون صبية بهية عليها الكلمة والمعنى مصر يامه يا بهية ياام طرحة وجلابية الزمن شاب وانتى شابة هو رايح وانتى جاية جاية فوق الصعب ماشية فات عليكى ليل ومية واحتمالك هو هو وابتسامتك هى هى تضحكى للصبح يصبح بعد ليلة ومغربية تطلع الشمس تلاقيكى معجبانية وصبية يابهية الليل جزاير جزاير يمد البحر يفنيها والفجر شعلة هتعلى وعمرالموج ما يطويها والشط باين مداين عليها الشمس طوافة ايدك فى ايدنا ساعدنا دى مهما الموجة تتعافى بالعزم ساعة جماعة وبالاصرار نخطيها مصر يامه يا سفينة مهما كان البحر عاتى فلاحينك ملاحينك يزعقوا للريح يواتى اللى ع الدفة صنايعى واللى ع المجداف زناتى واللى فوق الصارى كاشف كل ماضى وكل اتى عقدتين والتالتة تالتة تركبى الموجة العفية توصلى بر السلامة معجبانية وصبية يا بهية ويعود كلامنا بسلامنا يطوف ع الصحبة حلوانى عصفور محنى يغنى على الافراح ومن تانى يرمى الغناوى تقاوى تبوس الارض تتحنى تفرح وتتطرح وتسرح وترجع تانى تتغنى اللى بنا مصر كان فى الاصل حلوانى ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ وده رابط للقصيد بصوت احمد فؤاد نجم من هنا | |
|
| |
| موضوع خاص باحمد فؤاد نجم | |
|